S ṣifet eṇeɣ n ijjen ccarika n familya, qa n tfekkar u nteg planu aṭas zegʷami zegsegʷas n 1913. Neṣadaf cciɛar eṇeɣ „itxeṣa i ccarika atuwc ṣarγis i yewdan“ di ṃaṛa rexdayem eṇeɣ ɛla tul ṣilsila n rqimet amentekmer. U x manayeṇi, neccin di DEICHMANN meltazmin s l’axd d lmutabaɛa n lmaxawif i xef ṣawaren iwdan d lmunaḍamat n icricen n rxedmet d l’atraf eṇeɣni.
Di lḥalat n lintihakat n rḥuquq n yewdan, d lmaxawif lbi’iyya, d lmaxatir n ṣeḥet d ṣalama, d lmaxawif eṇeɣni, itxeṣa aneṭaxed Ijra’at fsusent u daysent ṭiqet. Mara t’eṭad niɣ tezrid can lintihak, qa nticcac ijjen furma tesher ḥenja ategged ccikaya. Ndemnac bil-la ṃaṛa ccikayat anḥeqqeq daysent u atent nɛalej s ijjen furma mejhula u siṛiyya.
Min neḥdaj ẓayec?
1. Isem (mara wa texsed bu atuwced can isem, tzeṃad ategged ccikaya s ijjen furma mejhula; maca manayeṇi izeṃar adiɛeqqed u adisɛeṭar lmuɛalaja n ccikaya)
2. Lmeɛlumat n kuntaktu am ṇumru n ṭilifun, landres n e-mail niɣ landres n tibratin
3. Taṃat niɣ tandint mani teǧid d – mara yeṭentabaq – amcan n l’intaj niɣ meɛlumat eṇeɣni ṭejjennaneɣ aneg ijjen ṭeḥdid wadiḥ i wemcan
4. Ijjen rwesf mufaṣal, bima di manayeṇi ṭarix d lfetra n rweqt n l’icɛar i ɣa yeǧa lɛalaqa ak rḥuquq n bnadem niɣ lbi’a niɣ ṣeḥet niɣ ṣalama. Mara ǧant, wa treḍadca adaneɣ tuwced l adil-la.
5. Meɛlumat x ma itxeṣa adyeqqim weṇi iteggen ccikaya niɣ l’atraf eṇeɣni i yet’eṭan mejhulin lhawiyya u meḥmiyyin.
Sekked ccikaya eṇec tura danita.
Mamec netɛalaj ccikaya eṇec?
1. Awarni ma aneṭef tabrat eṇec, an’ekked amnaɛ n ccikaya deggijjen lmuḍa n 24 n tseɛɛatin.
2. Lmes’ul n rḥuquq n yewdan n DEICHMANN adiḥeḍed ṣabab n ccikaya u aditḥeqqeq zi lmeqbuliyya eṇes. Mara tuɣa ccikaya meqbula, aneg ijjen ṭeḥqiq mufaṣal u anbel-leɣ weṇ iyeggin ccikaya s rweqt i ɣa teksi lmuɛalaja eṇes.
3. Mara tuɣa walabuḍa zeggijjen ṭaḥqiq metɛeṃeq, DEICHMANN ateg ijjen lfaḥs xas ẓayes deggumcan niɣ atkuntratar can muqaḍim n lxadamat. Ɣastut n lfuḥusata ya aten txeḍes DEICHMANN.
4. U awarni manayeṇi, nzeṃar anḥel ccikaya s ijjen lintisaf meṭafeq xas jar l’atraf. Mara wanzeṃar anawed ɣa ijjen liṭifaq, DEICHMANN itɣima ɣas rḥeq ḥenja atqeṛer di ṇatija n ccikaya awarni ijjen ḍirasa metɛemqa i ṃaṛa ljawanib.
5. Mara l’ijra’at n DEICHMANN Group tuɣatent d ṣabab niɣ sahment di ccikaya, anebda di l’ijra’at n lmuɛalaja n ccikaya niɣ aneṣenqes l’atar eṇes u aneg min xaneɣ ḥenja watɛiwid.
